ايش حال ما كنتي لهفة مني لبس بأكتر من عشرين الف جنيه
For script of the scene, see below.
امها: دول ما يعملوش حاجة يا فريدة
فريدة: دول خمسة الاف جنيه
امها: يا بنتي بحبحي ايديك شوية وزوديهم (يعني كتري شوية) اختك لسه ناقصها حاجات كتير قوي لجهازها
فريدة: شادي سيب العروسة والعب بحاجة تانية والست بطة بقى ناقصها ايه ان شاء الله انتي عارفة انتي ساحبة مني كام لغاية دلوقتي على حس جواز بطة
امها: يا بنتي يا حبيبتي كل حاجة بقت غلى وكوى (يعني غالية نار)
فريدة: بس انا مش قاعدة على بنك اتاريكو وحشتينا وبتسألوا عليا هو انا مفيش مرة اجي ازوركوا او اروح ازور ابنك في بيته اللي انا جايبهو له بفلوسي الا اما تطلبوا فلوس انتوا ايه مابتشبعوش
بطة: وانتي مفيش مرة يا فريدة تدينا فيهم قرشين غير لما تسممي بيهم بدنّا (جسمنا) (تقولي كلام جامد وقاسي) ياختي
فريدة: اه ياختي البجاحة اللي بقيتي فيها دي ايش حال ما كنتي لهفة مني لبس بأكتر من عشرين الف جنيه
بطة: فضلة خيركِ اسمها مشحتاهم لك مش مديهوم لك وبعديني يا حبيبتي انتي جايبهم لي بعد مـ اتهروا (يعني دابوا وباظوا من كتر اللبس) لبس ودابوا يا فريدة
فريدة: والهدوم اللي تحت السراير وفوق الدواليب ياختي مين اللي مديهوم لك
بطة: عادي يا فريدة اختك بقى وتجهزيها تعملي ايه
امها: واحنا يا حبيبتي ما قلنالكيش اقطعي من لحمك الحي وادينا وانتي بسم الله ما شاء الله معاكي قد كده وجوزك كمان معاه مافيهاش حاجة يعني لما تقفي معانا شوية
فريدة: وانا اصلي ماوقفتش مـ تفوقوا بقى وتعيشوا عيشة اهاليكو ولا نسيتوا الطُربة اللي كنتو مدفونين فيها (المدافن بتاعة الميتين)
بطة: انتي هتذلينا يا فريدة
فريدة: يالا يا شادي يالا الهي يسم بدنكم زي مـ بتسموا بدني يالا
امها: يوه انتي يا بت مش هتديني بقية الفلوس ولا ايه